Արագածավանում սուգ է. ավտովթարից մահացել են պապը, տատը և թոռնիկը․ News.am

Արագածոտնի մարզի Արագածավան բնակավայրի տարածքում այսօր՝ մարտի 18-ին տեղի ունեցած ավտովթարի հետևանքով մահացած 4 անձանցից 3-ը ընտանիքի անդամներ են՝ ամուսիններ և նրանց 9 ամսական թոռնիկը: Մյուս մահացածը Արմավիրի մարզի 24-ամյա երիտասարդ է:

Դեպքը տեղի է ունեցել կեսգիշերին՝ Արտենի-Արագածավան ճանապարհին:

Արագածավանի բնակիչները NEWS.am-ի հետ զրույցում պատմեցին, որ մահացած ամուսիններն իենց թոռնիկ հետ տուն վերադարձի ճանապարհին են եղել, երբ դեպքը պատահել է:

«Մեր ավանի բնակիչն են, շատ լավ, խելացի ընտանիք են եղել: Իրենց տունն ավիրվեց, պրծավ»,- ասաց բնակիչնրից Զենֆիրա Մանուկյանը:

Բնակիչներից մեկն էլ, որ մահացածների տնից էր գալիս, ասաց.

«Մինչև իմացել, գնացել են, արդեն մահացած են եղել: Հարսը անմիջապես ընկած է եղել դռան մոտը, երեխեն հետևը քնած է եղել, ամուսնուն էլ իրենք են հանել:

Մահացած 24 տարեկան տղան էլ, ասացին՝ պարեկ էր՝ արմավիրցի, Լենինականից տուն գնալուց է եղել»:

ՔԿ-ից հայտնեցին, որ նախաձեռնվել է քրեական վարույթ՝ ճանապարհային երթևեկության անվտանգության ապահովմանն ուղղված պահանջները կամ ճանապարհային երթևեկության կամ տրանսպորտային միջոցների շահագործման անվտանգությունն ապահովող կանոնները խախտելու հատկանիշներով:

Նշանակվել են դիակների դատաբժշկական փորձաքննություններ, նախաքննությունը շարունակվում է:

Մանրամասները՝ սկզբնաղբյուրում։