Լրահոս
Սպորտ
23:15
19.04.24
135

Ակումբային ԱԱ-2025. Հայտնի են Եվրոպայի բոլոր մասնակից ակումբները

Img default alt hy

Հայտնի են դարձել ֆուտբոլի աշխարհի ակումբային առաջնության 2025 թվականի խաղարկության բոլոր մասնակիցները Եվրոպայից:

Եվրոպական գոտուց 12-րդ ուղեգիրը բաժին է հասել ավստրիական «Զալցբուրգին»: Վերջին ուղեգրի ճակատագիրը վճռվել է այն բանից հետո, երբ Լոնդոնի «Արսենալը» Չեմպիոնների լիգայի քառորդ եզրափակիչում պարտվել է Մյունխենի «Բավարիային»:

Այսօրվա դրությամբ ԱԱ-2025-ի ուղեգիր նվաճած թիմերն են.

Եվրոպա. «Չելսի», «Ռեալ», «Մանչեսթեր Սիթի», «Բավարիա», ՊՍԺ, «Ինտեր», «Պորտու», «Բենֆիկա», «Բորուսիա Դորտմունդ», «Յուվենտուս», «Աթլետիկո», «Զալցբուրգ»:

Հարավային Ամերիկա. «Պալմեյրաս», «Ֆլումինենսե», «Ֆլամենգո», «Ռիվեր Փլեյթ», «Բոկա Խունիորս»:

Հյուսիսային Ամերիկա. «Լեոն», «Մոնտերեյ», «Սիեթլ Սաունդերս»:

Ասիա. «Ալ Հիլյալ», «Ուրավա Ռեդ Դայմոնդս», «Ուլսան Հյունդայ»:

Աֆրիկա. «Ալ Ահլի», «Վայդադ»:

Օվկիանիա. «Օքլենդ Սիթի»:

Այս մրցաշարի՝ նոր ձևաչափով առաջին խաղարկությանը կմասնակցեն 6 կոնֆեդերացիաների 32 թիմեր: Առաջնությունը կանցկացվի 2025 թվականի ամռանն ԱՄՆ-ում։