Աղազարյանին անկյուն քշեցին. նախկին դաշնակցականը՝ նախկին ՔՊ-ական

«Աղազարյան» քաղաքական տրագիկոմեդիան վերջապես հանգուցալուծվեց: Մանդատը վայր դնելու՝ Փաշինյանի խնդրանքը շաբաթներ շարունակ մերժած ՔՊ-ականը հեռացվել է կուսակցությունից՝ «Քաղաքացիական պայմանագրի» վարչության որոշմամբ: Երեքշաբթի է տեղի ունեցել Աղազարյանի համար ճակատագրական նիստը: Ըստ հաղորդագրության՝ պետական ու կուսակցական նշանակության կոնֆիդենցիալ տեղեկատվության արտահոսքերի և հանրության բարոյական նորմերի կոպիտ խախտումների պատճառով է հեռացվել Աղազարյանը: Նա այսօր ելույթ է ունեցել Ազգային ժողովի ամբիոնից՝ ներողություն խնդրելով իր կուսակցական ընկերներից: